買賣Guitar之要點

一個Guitarist擁有多過一支Guitar係正常不過o既事

所以亦會有好多機會有Trade-in, 賣出自己o既中古Gear

又或者買入人地o既中古Gear咁

呢D情況一定會有

買全新Gear當然唔會有咩大問題啦

始終出廠之前有QC, 質素自然唔會差得去邊

當然, 如果係舖頭o既中古Gear

人地會整好晒先賣啦

特別係日本, 咁樣都會有保障

同埋人地有"中古保證"嘛

不過如果係購入Individual Owner賣o既中古Gear

就真係要小心注意啦

因為始終唔知支野之前經過幾多手同埋有咩問題

做Research係必需o既

咁又梗係要睇你擺幾多心機落去啦

例如問下人, 睇下其他人對你想要o既Gear有咩意見等等

甚至有冇見過上一手買家o既購入價等等

咁自然唔會買貴野, 又可以Bargain到一個又好又抵o既價啦

另外, 試Guitar又係一個學問

你要真係知道點試

有D人懶型話唔駛試

結果拎到支野返去又有問題

咁樣就真係唔值, 不過要型咁真係冇計

錢就駛左, 不過又要另外俾錢人再整

咁支野個價格又要增加

當然如果你識整就另計啦

所以有多個識Guitar又或者有玩開o既人同行

去Trade中古Guitar係有D著數

如果個賣家唔俾你試支Guitar

咁就要小心D, 因為可能有問題佢先唔想俾你試

之但係如果人地俾你試你又唔試

有咩問題你話人地呃你昆你都冇用

係你自己o既問題, 有得試你唔試

唔識試又唔搵人幫咁咪駛錢搵人搞掂佢囉

"有錢能使鬼推磨"嘛

係咪新手唔係問題, 唔識問先有問題

同出離做野一樣, 唔識就要問嘛!

純粹有感而發! 唉~~~~